Ftesë e hapur për realizimin e aktivitetit “ Aktivitete Rinore”

Sep 14, 2026
fabi
0

Bashkia Malësi e Madhe shpall ftesë të hapur për organizimin e aktivitetit “Aktivitete Rinore”.

Përshkrimi i projektit:
“Aktivitete Rinore” është përçimi i trashëgimisë kulturore tek brezat dhe synon lidhjen e brezit të ri me atë të vjetër . Aktiviteti synon të forcojë lidhjen ndërmjet brezave, duke përfshirë aktivisht
rininë në promovimin dhe ruajtjen e traditave, kulturës dhe vlerave të zonës. Përmes këtij
ndërveprimi synohet motivimi i të rinjve për të qëndruar dhe kontribuar në vendlindje, duke i
nxitur të zhvillojnë ide dhe iniciativa në fushën e kulturës, turizmit dhe ekonomisë lokale. Në
këtë mënyrë, të rinjtë bëhen pjesë aktive e zhvillimit dhe promovimit të zonës.

• Aktivitetet kryesore
– Dokumentar filmik historiko-kulturorë i Malësisë së Madhe
– Valle tradicionale
– Koncert artistik me talente të rinj të zonës
Qëllimi i projektit:
Përfshirja e të rinjve në jetën kulturore të zonës dhe transmetimi i artit dhe traditave tek brezat e
rinj.
Aplikimi:
1. Të drejtën për të aplikuar e kanë:
a) Çdo person fizik/juridik i regjistruar dhe që ushtron veprimtari artistiko-kulturore;

2. Aplikimi për organizimin e këtij projekti duhet të paraqitet në formën sipas formularit tip,
bashkëngjitur kësaj ftese.
3. Subjekti aplikues nuk duhet të ketë detyrime të papaguara vendore, detyrime të ngarkuara nga
organet kompetente audituese apo detyrime të ngarkuara nga organe të tjera në favor të Bashkisë
Malësi e Madhe. Mospërmbushja e këtij kriteri është shkak skualifikimi.
Nuk mund të aplikojnë:
Personat juridikë publikë që përfaqësojnë institucionet dhe ndërmarrjet shtetërore, qëndrore ose
vendore, që vetëfinancohen ose financohen nga buxheti i shtetit ose nga ente të tjera publike të
miratuara me ligj.

Koha e zhvillimit dhe shpalljes së fituesit:
Shpallja e Ftesës së Hapur bëhet më datë 14.09.2026
Data e fundit e aplikimeve 23.09.2026
Këshilli Artistiko-Kulturor i Bashkisë Malësi e Madhe do të mblidhet me datën 25.09.2026
Shpallja e fituesit do të bëhet me datë 28.09.2026
Fituesi do të njoftohet publikisht nga Bashkia Malësi e Madhe.

Dorëzimi i dokumentacionit:
Aplikuesit duhet të dorëzojnë në dy kopje origjinale projektin dhe dokumentat e tjera të kërkuara
tek Zyra e Protokollit, pranë Bashkisë Malësi e Madhe, sipas kritereve të përcaktuara në
formularin tip bashkëngjitur kësaj ftese, i cili duhet të plotësohet në mënyrë elektronike.

Fondi limit me TVSH është 300,000 lekë
Fondi limit pa TVSH është 250,000 lekë
Data e organizimit të aktivitetit është një datë brenda muajve tetor-nëntor mund të shtyhet
në rast se parashikohet mot me reshje dhe stuhi.(Shtyrja e datës ose planifikimi i një date tjetër
bëhet vetëm nga Drejtoria e Kulturës pranë bashkisë Malësi e Madhe.)
Kriteret e kërkuara:
Operatori që merr përsipër realizimin e aktivitetit ”Aktivitete Rinore”, duhet të ketë
eksperiencë të njohur në zhvillimin e aktiviteteve të këtij lloji.
Operatori duhet të ketë në CV – në e tij arritje dhe suksese të vërtetueshme në evente të tilla.
Vlerësohet cilësia artistiko – kulturore e projektit.
Specifika të tjera për organizimin e aktivitetit “Aktivitete Rinore”
Subjekti të marrë përsipër realizimin me cilësi të aktivitetit ”Aktivitete Rinore” duke marrë
në konsideratë specifikimet e mëposhtme:
1. Në projekt duhet të parashikohet zhvillimi i një aktiviteti artistik.2. Subjekti duhet të mundësojë ledwall për shfaqjen e dokumentarit historiko-kulturorë të
Malësisë së Madhe
3. Subjekti duhet të realizojë promovimin në kohë të aktivitetit, përmes banerave, mediave
sociale, reklamave televizive etj. në koordinim me Drejtorinë e Kulturës, ku qartazi duhet të
shfaqet logoja zyrtare e Bashkisë Malësi e Madhe.
4. Vendi i zhvillimit të aktivitetit: Shkolla “ Prekë Gjoni” njësia administrative Kastrat
5. Subjekti duhet të koordinojë punën gjatë gjithë kohës parapërgatitore me Drejtorinë e
Kulturës.