Bashkia Malësi e Madhe shpall ftesë të hapur për organizimin e projektit “SHFAQJE TEATRALE PËR FËMIJË“.

 PËRSHKRIMI I PROJEKTIT

Ky projekt synon realizimin e disa shfaqjeve teatrale për fëmijë, me qëllim ofrimin e një

përvoje kulturore, edukative dhe argëtuese. Shfaqja do të ndërtohet mbi një skenar të

përshtatshëm për moshat e vogla, duke përfshirë elemente artistike, vizuale dhe didaktike

që nxisin imagjinatën dhe kreativitetin e fëmijëve.Përmes këtij projekti synohet të afrohen fëmijët me artin skenik dhe teatrin si formë edukimi dhe argëtimi, duke kontribuar në zhvillimin e tyre emocional dhe social.

 QËLLIMI I PROJEKTIT

Qëllimi kryesor i projektit është realizimi i një shfaqje teatrale për fëmijë që kombinon

argëtimin dhe edukimin, duke promovuar vlera pozitive përmes artit.

Objektivat specifike:

• Ofrohet një përvojë kulturore dhe argëtuese për fëmijët
• Promovohet arti teatral tek moshat e reja
• Stimulohen imagjinata dhe kreativiteti i fëmijëve
• Përcillen mesazhe edukative dhe morale përmes shfaqjes
• Krijohet një aktivitet kulturor i hapur për komunitetin

APLIKIMI

1.Të drejtën për të aplikuar e kanë:

Çdo person fizik/juridik i regjistruar dhe që ushtron veprimtari artistiko-kulturore:

2.Aplikimi për organizimin e këtij projekti duhet të paraqitet në formën sipas formularit tip,bashkëngjitur kësaj ftese.

3.Subjekti aplikues nuk duhet të ketë detyrime të papaguar vendore, detyrime të ngarkuara nga organet kompetente audituese apo detyrime të ngarkuara nga organet të tjera në favor të Bashkisë Malësi e Madhe. Mospërmbushja e këtij kriteri është shkak skualifikimi.

NUK MUND TË APLIKOJNË:

Personat juridkë publikë që përfaqësojnë institucionet dhe ndërrmarrjet shtetërore ,qëndrore ose vendore,që vetëfinancohen ose financohen nga buxheti i shtetit ose nga ente të tjera publike të miratura me ligj.

KOHA E ZHVILLIMIT DHE SHPALLJES SË FITUESIT:

– Shpallja e  ftesës së hapur bëhet me datë 06.05.2026

– Data e fundit për  aplikim: 15.05.2026

– Këshilli Artistiko-Kulturor i BAshkisë Malësi e Madhe do të mblidhet me datën 18.05.2026.

– Shpallja e fituesit deri me datën 21.05.2026

Fituesi do të njoftohet publikisht nga Bashkia Malësi e Madhe.

DORËZIMI I DOKUMENTACIONIT

Aplikuesit duhet të dorëzojnë projektin në dy kopje origjinale dhe  dyfotokopje dhe dokumentat e tjera të kërkuara pranë Zyrës së Protokollit të Bashkisë Malësi e Madhe,sipas kriterve të përcaktuara në formularin tip bashkëngjitur kësaj ftese ,i cili duhet të plotësohet në mënyrë elektronike.

 

Fondi limit është 1.200.000 lekë.

– Realizimi i projektit duhet të mbyllet brenda muajit Qershor 2026.

KRITERET E PËRZGJEDHJES

– Eksperiencë në realizimin e projekteve artistike dhe edukative për fëmijë

– CV me arritje të dokumentuara në fushën e teatrit ose aktiviteteve kulturore

– Cilësi artistike dhe edukative e projektit

– Kapacitete profesionale (regjisorë, aktorë, kostumograf,skenograf ,dramaturg,artdesign, etj)

– Aftësi për të punuar me fëmijë dhe institucione arsimore

SPECIFIKA TË TJERA PËR ORGANIZIMIN E PROJEKTIT “SHFAQJE TEATRALE PËR FËMIJË”

1. Subjekti duhet të marrë përsiper që aktiviteti të zhvillohet maksimumi në dy ditë në shkollat e të gjithave Njësive Administrative të Bashkisë Malësi e Madhe.
2. Shfaqja teatrale do të jepen të paktën një herë në çdo njësi administrative ,sipas planifikimit të bashkisë.
3. Kohezgjatia e çdo shfaqje teatrale duhet të jetë nga 45minuta deri 1 orë.
4. Dokumentimi me foto /video i gjithë procesit dhe shfaqjes finale.
5. Shfaqja duhet të jenë të përshtatshme për fëmijë dhe të realizohen në mënyrë interaktive

dhe edukative.

Shënim:Subjekti duhet të realizojë promovimin në kohë të aktivitetit ,përmes banerave ,mediave sociale,reklamave televizive etj,në koordinim me Drejtorinë e Kulturës ,ku qartazi duhet të shfaqet logoja zyrtare e Bashkisë Malësi e Madhe .Subjekti duhet të koordinojë punën gjatë gjithë kohës parapërgatitore me Drejtorinë e Kulturës.Subjekti në përfundim të projektit të sjellë foto /video,përgjatë gjithë proçesit të zhvillimit të këtij projekti.

 

Shkarko dokumentet e mëposhtme:

Formular Aplikimi

Deklaratë e aplikuesit

Preventiv i përgjithshëm

Preventiv për zërat që mbulon bashkia

Lista e dokumentave 

 

 

Bashkia Malësi e Madhe njofton familjarët e nxënësve të arsimit bazë, të cilët plotësojnë një nga krieteret e mëposhtme, të aplikojnë për të marrë mbështetje financiare. Numri total i bursave është 27.

Kriteret:

1. Kriterin ekonomik: nxënësit e arsimit parauniversitar që ndjekin procesin mësimor në largësinë mbi 5 km dhe që plotësojnë kriterin ekonomik sipas pasqyrës nr.1 të VKM 666.
2. Kriteri joekonomik: a) nxënësit të cilët kanë përfituar statusin e jetimit, b) nxënësit të cilët kanë humbur kujdestarinë prindërore me vendim gjykate të formës së prerë, c) nxënësit të cilët gëzojnë statusin ligjor të invalidit paraplegjik dhe tetraplegjik, si dhe nxënësit me aftësi të kufizuar, ç) nxënësit që nuk dëgjojnë apo nuk shikojnë të vërtetuar nga komisioni mjeko-ligjor, d) nxënësit, fëmijë të personit/personave që gëzojnë statusin e invalidit, e) nxënësit, të cilët janë identifikuar dhe trajtuar si viktima të trafikut të qenieve njerëzore dhe kanë humbur kujdesin prindëror, ë) nxënësit, fëmijë të punonjësve të Poliicisë së Shtetit, Gardës së Republikës, Shërbimit të Kontrollit të Brendshëm, të Shërbimit të Mbrojtjes nga Zjarri dhe të Shpëtimit, Forcave të Armatosura, Shërbimit Informativ të Shtetit dhe të Policisë së Burgjeve, të cilët kanë humbur jetën në krye dhe për shkak të detyrës, g) Nxënësit me një prind, kur njëri nga prej prindërve nuk jeton.

Dokumentacioni që kërkohet për nxënësit sipas kriterit ekonomik: 1. Certifikatë Familjare, 2. Certifikatë personale e nxënësit, 3. Vërtetim të ardhurash për çdo anëtar të familjes mbi moshën 18 vjeç, 4. Vërtetim vendbanimi, 5. Vërtetim nga drejtoria e shkollës për vazhdimin e vitit shkollor 6. Kërkesë me shkrim

Dokumentacioni që kërkohet për nxënësit sipas kriterit joekonomik: 1. Certifikatë Familjare, 2. Certifikatë personale e nxënësit, 3. Vërtetim të statusit që ata kanë, 4. Vërtetim nga drejtoria e shkollës për vazhdimin e vitit shkollor, 5. Vërtetim të ardhurash për çdo anëtar të familjes mbi moshën 18 vjeç, 6. Kërkesë me shkrim

Dokumentacioni duhet të dorëzohet pranë Drejtorisë së Kulturës, Arsimit, Sportit, Turizmit dhe Rinisë në bashkinë Malësi e Madhe.

Afati i dorëzimit të dokumentacionit të kërkuar është deri me datën 25.02.2026

Faleminderti për mirëkuptimin!

Dokumenti i Rishikimit të Planit të Përgjithshëm Vendor Bashkia Malësi e Madhe

 

Shkarko dokumentin

Bashkia Malësi e Madhe njofton të gjithë nxënësit e arsimit të mesëm të ulët dhe arsimit të mesëm të lartë të shkollave publike të Malësisë së Madhe, të cilët kanë përfunduar vitin shkollor 2024–2025 me të gjitha notat 10 dhe që nuk kanë dorëzuar dokumentacionin pranë bashkisë Malësi e Madhe deri me daten 20 tetor, se afati i ri për dorëzimin e dokumentëve është data 24 tetor 2025.

Dokumentet e domosdoshme për të përfituar shpërblimin financiar janë si më poshtë:

1. Certifikatë personale
2. Certifikatë familjare
3. Dëftesë e vitit shkollor 2024-2025 me të gjitha 10-a.
4. Vërtetim nga shkolla për vazhdimin e vitit shkollor 2025-2026.
5. Vërtetim vendbanimi nga bashkia/njësia administrative.

Ndërsa, maturantët të cilët kanë përfunduar vitin shkollor 2024-2025 me të gjitha 10, rezultatet e provimeve të detyrueshme të maturës shtetërore duhet të jenë mbi 9.5. Dokumentacioni që duhet të dorëzojnë është si për të gjithë nxënësit e tjerë, duke përjashtuar vetëm vërtetimin e vazhdimit të shkollës, meqënëse ata e kanë mbyllur ciklin e arsimit të mesëm të lartë.

Afati i fundit për dorëzimin e dokumentacionit është data 24 tetor 2025. Dokumentet duhet të dorëzohen pranë Drejtorisë së Kulturës, Arsimit, Sportit, Turizmit dhe Rinisë në Bashkinë Malësi e Madhe.

Ky njoftim publikohet në faqen zyrtare web të bashkisë dhe afishohet fizikisht pranë godinës së bashkisë Malësi e Madhe.

 

Faleminderit për mirëkuptimin!

Bashkia Malësi e Madhe njofton të gjithë nxënësit e arsimit të mesëm të ulët dhe arsimit të mesëm të lartë të shkollave publike të Malësisë së Madhe, të cilët kanë përfunduar vitin shkollor 2024–2025 me të gjitha notat 10 të aplikojnë për të përfituar shpërblimin financiar.

Dokumentet e domosdoshme për të përfituar shpërblimin financiar janë si më poshtë:

1. Certifikatë personale
2. Certifikatë familjare
3. Dëftesë e vitit shkollor 2024-2025 me të gjitha 10-a.
4. Vërtetim nga shkolla për vazhdimin e vitit shkollor 2025-2026.
5. Vërtetim vendbanimi nga bashkia/njësia administrative.

Ndërsa, maturantët të cilët kanë përfunduar vitin shkollor 2024-2025 me të gjitha 10, rezultatet e provimeve të detyrueshme të maturës shtetërore duhet të jenë mbi 9.5. Dokumentacioni që duhet të dorëzojnë është si për të gjithë nxënësit e tjerë, duke përjashtuar vetëm vërtetimin e vazhdimit të shkollës, meqënëse ata e kanë mbyllur ciklin e arsimit të mesëm të lartë.

Afati i fundit për dorëzimin e dokumentacionit është data 20 tetor 2025. Dokumentet duhet të dorëzohen pranë Drejtorisë së Kulturës, Arsimit, Sportit, Turizmit dhe Rinisë në Bashkinë Malësi e Madhe.

Ky njoftim publikohet në faqen zyrtare web të bashkisë dhe afishohet fizikisht pranë godinës së bashkisë Malësi e Madhe.

 

Faleminderit për mirëkuptimin!

Bashkia Malësi e Madhe shpall ftesë të hapur për organizmin e projektit “Trashëgim brez pas brezi”.

Përshkrimi i projektit:

Projekti ka për qëllim krijimin e një ansambli folklorik me nxënësit e gjimnazeve dhe shkollave 9-vjeçare të Malësisë së Madhe, ku të rinjtë do të mësojnë e ushtrojnë valle, këngë, instrumente popullore, si dhe doke e rituale të lashta të zonës. Projekti synon të zgjojë tek brezat e rinj dashurinë për trashëgiminë kulturore dhe ta transmetojë atë brez pas brezi.

Qëllimi i projektit:

• Të ruhet dhe promovohet trashëgimia kulturore materiale dhe jomateriale e Malësisë së Madhe.
• Të përfshihen të rinjtë në aktivitete kulturore që forcojnë identitetin dhe lidhjen me traditat.
• Të krijohet ansambël folklorik i Malësisë së Madhe, i gatshëm dhe i aftë profesionalisht, për të na përfaqësuar në aktivitetet tona lokale, rajonale, kombëtare por edhe ndërkombëtare.

Aplikimi:

1. Të drejtën për të aplikuar e kanë:
2. a) Çdo person fizik/juridik i regjistruar dhe që ushtron veprimtari artistiko-kulturore;
3. Aplikimi për organizimin e këtij projekti duhet të paraqitet në formën sipas formularit tip, bashkëngjitur kësaj ftese.
4. Subjekti aplikues nuk duhet të ketë detyrime të papaguara vendore, detyrime të ngarkuara nga organet kompetente audituese apo detyrime të ngarkuara nga organe të tjera në favor të Bashkisë Malësi e Madhe. Mospërmbushja e këtij kriteri është shkak skualifikimi.

Nuk mund të aplikojnë:

Personat juridikë publikë që përfaqësojnë institucionet dhe ndërmarrjet shtetërore, qëndrore ose vendore, që vetfinancohen ose financohen nga buxheti i shtetit ose nga ente të tjera publike të miratuara me ligj.

Koha e zhvillimit dhe shpalljes së fituesit:

Shpallja e Ftesës së Hapur bëhet më datë 10.09.2025

Data e fundit e aplikimeve 25.09.2025

Këshilli Artistiko-Kulturor i Bashkisë Malësi e Madhe do të mblidhet me datën 26.09.2025

Shpallja e fituesit do të bëhet me datë 29.09.2025

Fituesi do të njoftohet publikisht nga Bashkia Malësi e Madhe.

Dorëzimi i dokumentacionit:

Aplikuesit duhet të dorëzojnë në dy kopje origjinale dhe dy fotokopje projektin dhe dokumentat e tjera të kërkuara tek Zyra e Protokollit, pranë Bashkisë Malësi e Madhe, sipas kritereve të përcaktuara në formularin tip bashkëngjitur kësaj ftese, i cili duhet të plotësohet në mënyrë elektronike.

Fondi limit me TVSH është 1,000,000 lekë.

Fondi limit pa TVSH është  833,333 lekë.

Realizimi i projektit duhet të mbyllet brenda vitit 2025.

Kriteret e kërkuara:

Operatori që merr përsipër realizimin e projektit ”Trashëgim brez pas brezi”, duhet të ketë eksperiencë të njohur në zhvillimin e aktiviteteve dhe projekteve të këtij lloji.

Operatori duhet të ketë në CV – në e tij arritje dhe suksese të vërtetueshme në evente të tilla.

Vlerësohet cilësia artistiko – kulturore e projektit.

Operatori duhet të ketë kapacitet profesional: staf ose bashkëpunëtorë me njohuri në fushën e folklorit, muzikës, valleve apo ritualeve tradicionale.(koreografë, instrumentistë, muzikantë, etj)

Specifika të tjera për organizimin e projektit “Trashëgim brez pas brezi”

 

1. Subjekti të marrë përsipër formimin e një ansambli folklorik profesional me nxënësit e shkollave 9-vjeçare dhe gjimnazeve të Malësisë së Madhe.
2. Të krijojë një repertor me valle, këngë dhe melodi nga instrumente tradicionale, të cilat do të mësohen dhe interpretohen nga ansambli folklorik. (Repertori të mbrojë të drejtat e autorit si dhe repertori të jetë në formë të shkruar dhe të regjistruar në studio profesionale në audio/video)
3. Të bashkëpunojë me shkollat dhe komunitetin lokal për të angazhuar sa më shumë nxënës dhe të rinj.
4. Të përzgjedhë nxënës të talentuar nga gjimnazet dhe shkollat 9-vjeçare.
5. Të zhvillojë ushtrime disa herë në javë për vallet tradicionale të Malësisë së Madhe dhe ato me karakter kombëtar.
6. Të zhvillojë ushtrime të rregullta javore vokale për këngët epike dhe lirike.
7. Të zhvillojë mësime të rregullta javore për instrumentet popullore (çifteli, lahutë, fyell etj.).
8. Të bëjë të mundur organizimin e një aktiviteti përmbyllës “Koncert Artistik”, ku ansambli do të performojë para komunitetit repertorin e përgatitur përgjatë muajve të praktikës.
9. Aktiviteti final të jetë i mirëorganizuar: me libret, moderator, foni profesionale, ndriçim, karrige për të ftuarit dhe publikun dhe elementë të tjerë të nevojshmëm për shfaqje artistike. (Grupi artistik dhe Ansambli duhet të paraqiten me veshje kombëtare dhe tradicionale të zonës sonë.)
10. Dokumentimi me foto/video i gjithë procesit dhe shfaqjes finale.

 

Shënim: Subjekti duhet të realizojë promovimin në kohë të aktivitetit, përmes banerave, mediave sociale, reklamave televizive etj. në koordinim me Drejtorinë e Kulturës, ku qartazi duhet të shfaqet logoja zyrtare e Bashkisë Malësi e Madhe.

Subjekti në bashkëpunim dhe me miratimin e Drejtorinë së Kulturës të zgjedhë emrin dhe simbolin e Ansamblit.

Subjekti duhet të koordinojë punën gjatë gjithë kohës parapërgatitore me Drejtorinë e Kulturës. Subjekti në përfundim të projektit të sjellë materiale foto/video, përgjatë gjithë procesit të zhvillimit të këtij projekti.

Modeli i kërkesës pë Paketën e Maleve.

Shkarko dokumentin